روپ بہروپ اپنے آپ میں ایک بہروپ کہانی ہے۔۔۔۔ نور بی بی اور اس کا زرد گلاب۔۔۔۔ انسان امید کے سہارے ہی تو زندہ ہیں۔۔۔ اگر یہ بھی نہ رہے۔۔۔ کسی سے خیالوں میں بھی خوش ہونے کا حق چھین لیا جائے تو بندہ کہاں جائے۔۔۔۔
پھر ساجد، روپ بہروپ کی گُھپا، جونئیر ہیملٹ۔۔۔ سب ہی زندگی کے اترتے چڑھتے رنگوں پر حیران ہیں۔۔۔ کوئی نالاں ہیں تو کوئی خوفزدہ۔۔۔ اور پھر وہ بے جان سی دُرگا دیوی کا کردار خاصا دلچسپ ہے۔۔۔ تحریر میں جس طرح سے استعاروں اور تشبیہات کے ساتھ حقیقی واقعات کی منظر کشی کی گئ ہے۔۔ وہ بہترین ہے۔۔۔۔ البتہ مجھے اس ناولٹ میں ایک جگہ ذرا سا عِلمی اختلاف ہے۔۔۔ میں نے روپ بہروپ کا مطالعہ خلافِ معمول کافی وقت میں مکمل کیا اور اسکی وجہ سیالکوٹ کا وہ دل خراش سانحہ تھا جس نے مجھے رک کر حال ہی میں ہونے والی اس ٹریجڈی پر دکھ منانے اور فکرمند ہونے پر مجبور کر دیا۔۔۔۔ کتنے افسوس کی بات ہے آج سے ستّر دہائیاں پہلے چب مُلک پاؤں پاؤں کھڑا تھا۔۔۔ تب بھی خون و کشت کے واقعات جاری تھے۔۔۔ اور اب
وہ کہتے ہیں کہ اب عوام میں شعور آگیا ہے؟ کیا واقعی۔۔؟؟ ہم ابھی بھی فرقوں میں، ذات پاٹ میں بٹے ہوئے ہیں۔۔۔ اس شعور نے ہم سے انسانیت چھین لی ہے۔۔۔
اگر ہم لوگ باشعور ہیں تو پھر بے حس اور ناہنجار کون لوگ ہیں ۔۔۔ وہ جو بغیر کسی لحاظ کے ظلم کیے جاتے ہیں؟ یا وہ جو اس ظلم کو ہوتا دیکھ کر خاموشی سے اپنے کیمروں میں ریکارڈ کرتے ہیں؟؟
بہر حال، مستنصر حسین تارڑ صاحب میرے پسندیدہ مصنفین میں سے ایک ہیں۔۔۔۔ اور انہوں نے " ادب برائے زندگی" کیلئے لکھ کر ایک بار پھر کمال کیا ہے ۔۔۔
مزید برآں، اس کتاب کی کوالٹی زبردست ہے۔۔۔
I have spend time with this book
It’s a great book for life also support your mindset